酒箱三角琴DIY Kit

https://youtu.be/EZs3ngQRxHQ *可选面板，下单后请留意inbox~ |酒箱三角琴 DIY Kit ！| 呢段时间除左改良两个尺寸嘅三角琴之外，仲有忙住跟进生产、物料同包装嘅事，以下同大家讲下同初版有啲咩唔同： 1/ 音色 之前有网友留言觉得25键琴仔嘅音色较刺耳，原因系初版用左较幼身嘅发声铝枝去做，敲出黎较高音、响亮同埋余音好长，如果弹一首比较长嘅歌，啲余音重叠埋就会变得刺耳；改良版转用粗身铝枝，系片段入面大家可以听到音色低左少少，而且较圆浑，余音短左，听起上黎舒服左~ 2/ 尺寸 琴仔嘅深度取决于铝枝嘅长度，改良版转用左粗身铝枝，铝枝嘅长度可以按比例缩短，所以琴身深度自然系短左，无咁bulky，无咁占位置~ 3/ Stopper 同样地为左解决余音太长嘅音题，改良版系发声部份加上左stopper，可以即时停止余音~~~ - 明白大家有担心自己整唔黎，对比起手风琴，三角琴的确需要更多时期完成，除左因为零件较多之外，亦多左重复嘅步骤(例如重复整琴键、穿铝枝)，大家需要做啲简单嘅木工；不过技巧上就无手风琴咁难了，唔需要折最难理解嘅风箱，基本上跟着教学逐步，加少少耐性就能够完成！