【香港制造】千层龙须糖

馅料丰富，入口柔软嘅龙须糖喺香港可能年宵先会见到佢嘅踪影，不过大家知唔知道原来龙须糖以前系皇帝嘅御用点心？ 相传清朝时期，皇宫嘅御厨为咗讨好皇帝欢心，都会绞尽脑汁制作一啲精致又特别嘅点心。有一位御厨无意中喺民间发现咗龙须糖技艺，直到有一次正当雍正皇帝享用满汉全席之后，嗰位御厨就现场用金黄色嘅麦芽糖，拉制成千上万条细致绵密嘅纤丝，再包入炒香嘅花生或者芝麻粉供皇帝作甜点享用。雍正皇帝不但好受落，仲赏赐比妃嫔和臣子。所以呢个外表貌似龙胡须嘅点心就被命名为龙须糖，亦都有人叫佢面线糖😍 仲有另外一个传说就系话明朝正德皇帝游民间嘅时候发现到呢种美食，下令带回宫中，列为宫廷美食佳品😆 无论如何，龙须糖嘅制作过程的确好特别好精彩，由一条麦芽糖一路拉，一分为二，二分为四，四分为八，一路拉直到有上万条银丝，到最后剪断包入馅料🤤喺台湾同内地甚至会有制作龙须糖嘅表演，绝对系珍贵嘅民间艺术！ ----------------------------------------------------------------------------------------------------------------------------- 成分: 麦芽糖、花生、芝麻、椰丝、糖、栗粉 赏味及存放方式: 请放置于干燥位置，避免阳光直射 最佳食用日期: 四个月内(室温保存/冷藏) ———————————— ✨糕点时光 Time To Gold✨ 🔵本地文化社企 承传将近失传糕点文化🫂 🔵以年轻手法 改变糕点固有形象🆕 🔵以金龄姨姨为主力 支持长者就业及妇女充权 🔵重视健康低糖饮食 推出养生饮料 如乌梅露、川贝雪梨等🍵 ————————————