作者：广东话资料馆 cantonese museum
出版社：亮光文化
书度：130mm x 210mm
页数：264页
国际书号：978-988-8716-84-5
【内容简介】
“通学”系列第8本，讲嘅系“香港制造”，详列唔同范畴嘅香港制造品牌同埋产品，包括土产玩具、汽水品牌、食物品牌、唐饼品牌、西饼品牌、酱料品牌、酿酒工业、制药品牌、化妆品牌、土产漫画及制造工业产品。
大家知唔知玩具业曾经系香港传统重点工业，除咗好多人都玩过嘅公仔纸、换衫纸公仔、铁皮玩具、西瓜波等等，仲会出口唔少知名玩具。汽水当年又叫做“荷兰水”，香港喺七〇年代已经有人开厂制造，不过究竟有冇汽水系由荷兰嚟嘅？香港食品制造业系重要嘅行业，喺一八七〇年代政府已经记录本地制造业嘅生产活动，王老吉、许留山、十字牌牛奶、甄沾记，未食过都可能听过。唐饼、西饼品牌你又讲得出几多个？又有冇人知道香港酿酒业已经有好耐历史；而五〇年代后期就系香港酱油酿造嘅全盛时期，大部分嘅酱油厂都设喺九龙城寨附近？有关制药业方面，香港中药好早以前已经有“丸、散、膏、丹”唔同嘅药物制剂；而香港西药嘅发展，最早嘅记载大约喺一八七九年外科医生报告所提到过。香港嘅化妆品制造喺二〇世纪初已经开始，不过产业嘅规模唔大，部分公司生产嘅品牌属于中价产品；喺一九五〇年代以后，香港嘅化妆品市场逐渐被“来路”嘅化妆品占据。唔睇唔知原来香港漫画喺清末期间已有记载，历史够晒悠久！