时间没有声量，但有重量。
＊ ＊ ＊
随住时代进步，我哋追求轻便嘅物料去纪录事件。石板、竹简、纸张，以至菲林光影、电子信号——
-——但我哋仲可以用乜嘢，去刻画当中承受过嘅沉重？
＊ ＊ ＊
人类追求更稳固嘅结构，拼砌出房楼，堆叠为城市；然而人类又会拆毁旧嘅建筑，发展新嘅架构。呢个过程循环不断，不容任何残留。
年复年，日复日。最后冇留低任何证物。我哋只系喺某月某日，会记起某年发生过某件事。
＊ ＊ ＊
声音唔会留下，留下只有重量。
但只要挺住嗰份质量，我哋就可以创建返我哋嘅所有。
人手制造需时，敬请留意。
岁月无声
涂灵实验
2021
香港本地制造
水泥、喷漆
