咕姑固 DIY Kit (可排泄及发声 本地以平邮寄出)

https://youtu.be/0-oFaETLRy0 成世人净系细个嘅时候养过两只龟，本身对雀鸟既无好感亦无兴趣，加上比鹦鹉怒咬过之后，更加恐惧~ 两年前，第一次发现只患病 (PMV病毒)鸽鸽瞓喺马路中间，胆粗粗接咗佢返屋企疗养，4日之后佢好返，自己飞走咗。为咗纪念佢，我哋帮佢改咗个名叫“德成”，因为佢疗养期间非常融入家中，差啲搵佢唔到~ 第一次咁近距离观察鸽鸽，觉得佢哋嘅动作好得意！个头移动速度好快，脚仔行路鬼鬼鼠鼠，仲成日出其不意地屙屎...于是就想整一件关于鸽鸽嘅玩具~ - 事隔一年几，又有一只满头鸽痘嘅BB鸽嚟到疗养，由于佢成头都甩晒毛所以佢个名叫“甩毛鸡”(简称Mo Gai)。因为佢，拖咗成年都未搞嘅鸽设计终于得以完成！ - 原本嘅概念系做一只一路行个头会跟着前后郁嘅鸽，Mo Gai 嚟到之后，留意到佢每次屙屎都会大动作向后座低，每次屙完都好似好满足咁，好好笑~！好想记录底呢个动作，咁不如试下整一只识屙屎嘅鸽玩具啦~！ - 今次好贪心地想用一个mechanism同时做几个feature，包括屙屎、个身座低、个头乌向前，又想佢会发声，最好只翼晓郁添~ 座低同屎屎嘅机关较直接，花最多时间嘅系头部点样同时向前dup低呢？有无可能拍埋翼？ 最担心系一个机关同时要处理咁多动作会负荷太大，画完图整好第一个proto 发觉真系work！ 好大满足感！之后嘅都系小改良~ - 系屙屎呢个feature上面，Mo Gai 成日都食净晒最大粒嘅粮，唔知系咪因为太大粒佢吞唔到，今次可以运用埋佢啲剩粮，嚟做屙出嚟嘅粒粒，DIY Kit 入面会包埋几粒大粮，屋企有绿豆红豆都用得架~ - 因为德成，先知道原来香港有好多人都会关心鸽鸽，如果大家想了解多啲，又或者系街度见到受伤/生病嘅雀仔，可以去以下群组睇睇： 香港救援鸠鸽及雀鸟情报区🐦🐤🐥🐣Hong Kong Pigeon and Dove Rescue 香港救援鸠鸽及雀鸟 - 了解多啲，其他大家系可以和平共存架~ #就算唔中意都唔好加以伤害 #internationalpigeonday #pigeons