硬币改造吊坠 (V煞)

** [ 尺寸 ]** 直径 : 29.8毫米 厚度 : 2.25毫米 重量 : 11.66克 用料 : 铜镍/黄铜 **[ 产地/ 香港 ]** 制造方式/全手工制作 吊坠 (不包银链) **[ 产品故事 ]** 不一样的两周年 一个月前收到个委托 佢想整一个coin俾佢先生做周年礼物 主题想整一套戏的主角 呢套戏我自己都好钟意 主角全程戴住一个面具 无真实姓名 佢只代表一个概念 有一幕好夸张地佢身中几十枪后 仲可以反杀对方全队 当敌人满头问号想知点解佢唔会死 佢只系讲咗句 面具底下不只是血肉之躯 仲有信念 而信念系刀枪不入的 虽然最后佢都死咗 但呢份信念已经传到下一个人 同时影响每一个人 呢个角色我好早之前已经整过一次 不过系侧面加皇冠 今次佢好想整正面 我记得之前整正面系失败 因为面具本身立体系基本 做平面会无晒苹果肌同鼻尖呢啲特征 当然整到招牌嗰啲须同对眼 勉强都可以认得出 但我就过唔到自己嗰关 开始时我都劝退佢做侧面 暗地里偷偷再研究做实验 以前做唔到唔代表今日做唔到 算系我嘅小小坚持 唔尽力就认输唔系我风格 经过烧过火烂面，走样，对眼走咗落个鼻，小丑鼻后 做埋小小debug 终于做到一个自己暂时满意的版本 佢地本来同普通夫妻一样 不过2年前经历咗一件事后 面对高墙一面倒的指控 彻底改变以往安定的生活 而佢地因为一份信念 开始咗佢地赴汤杜火嘅新生活 今日系佢地结婚两周年 祝 乱流下平安 继续赴汤蹈火 介绍返佢地系 #赴汤杜火