人人谂起呢句嘢,就会即刻谂起杜Sir杜琪峰导演。
呢件事系一个好美丽嘅误会,句嘢其实系出自一张网民嘅改图,但亦都错唔哂嘅,因为杜Sir的确系身体力行地实践紧呢件事出嚟。
“我闹人我认,我冇得话我冇闹过,我系闹佢,我唔钟意就系咁,我觉得作为一个专业人士,每个人应该识谨守自己岗位,每个人应该有自己Professional嘅态度喺度。”
“你做乜拈嘢谂我谂乜,我谂到就我拍啦,你谂返自己嗰啲啦……唔好因为投入好多时间好多感情去做,就以为已经呈现出嚟,其实未得呀!”
“你搞几拈多嘢都系错嘅,仲要驳咀!你真系反思吓你做紧咩呀。”
“你喺现场就做现场嘢呀嘛,唉错拈哂嘅全部都。”
睇嗰吓实觉得好笑㗎,因为唔系屌紧你呀嘛,但当你俾人屌紧嘅时候,唔知又笑唔笑得出呢?我自细就成日俾人闹驳咀,老母仲会打多两钱重,就算到依家大个咗,有时都拿捏唔到据理力争同诚心认错呢两回事,但做错就要俾人屌,某程度上都唔系一件坏事,屌你就应该,唔屌你有时其实仲悲哀,而俾人屌完,要识得反思改过,呢个就真系人生一大课题喇。
为提醒自己唔好再做错事俾人屌,特地搵本地师傅帮我做咗呢块嘢,来来去去几转,改良过后又想同大家分享,而亦我坚持做凸字,工序系麻烦好多,由开料、𠝹字、再对位逐忽黐上去,每个过程都要花上时间同功夫,但凸字真系靓好多,亦都有返嗰种年代感,宁愿俾贵啲,但都想要件靓啲嘅嘢。
此乃订制商品,落单付款后,请预留约三星期俾师傅排单开工,急嘅话就帮唔到你喇。
- 大小约 30 x 10 cm